"இவர்களுக்கு ஐயோ! இவர்கள் காயீனுடைய வழியில் நடந்து, பிலேயாம் கூலிக்காகச்செய்த வஞ்சகத்திலே விரைந்தோடி, கோரா எதிர்த்துப்பேசின பாவத்திற்குள்ளாகி, கெட்டுப்போனார்கள். இவர்கள் உங்கள் அன்பின் விருந்துகளில் கறைகளாயிருந்து, பயமின்றிக் கூட விருந்துண்டு, தங்களைத் தாங்களே மேய்த்துக்கொள்ளுகிறார்கள்; இவர்கள் காற்றுகளால் அடியுண்டோடுகிற தண்ணீரற்ற மேகங்களும், இலையுதிர்ந்து கனியற்று இரண்டுதரஞ் செத்து வேரற்றுப்போன மரங்களும், தங்கள் அவமானங்களை நுரைதள்ளுகிற அமளியான கடலலைகளும், மார்க்கந்தப்பி அலைகிற நட்சத்திரங்களுமாயிருக்கிறார்கள்; இவர்களுக்காக என்றென்றைக்கும் காரிருளே வைக்கப்பட்டிருக்கிறது" (யூதா 11-13).
விசுவாச துரோகம் என்பது ஒரு கலப்படம்; தேவனுக்குரிய காரியத்தையும் உலகத்துக்குரிய காரியத்தையும் கலப்பதால் ஏற்படும் விளைபொருளே விசுவாசதுரோகம். தேவனுக்குரிய, பரத்துக்குரிய, உன்னதத்துக்குரிய, ஆவிக்குரிய காரியத்துடன் உலகத்துக்குரிய, மாம்சத்துக்குரிய, பூமிக்குரிய, மண்ணுக்குரிய, இயற்கையான காரியத்தைக் கலப்பதால் ஏற்படும் விளைவே விசுவாசதுரோகம். இதற்கு நல்ல எடுத்துக்காட்டு யூதா 11ஆம் வசனம். யூதா 11இல் விசுவாசதுரோகத்தின் மூன்று கட்டங்களைப் பார்க்கிறோம். இந்த வசனம் காயீன், பிலேயாம், கோரா ஆகிய மூவரைப்பற்றிப் பேசுகிறது. இவர்களைப்பற்றி நாம் கொஞ்சம் பார்ப்போம்.
காயீன் ஆதாமுக்கும் ஏவாளுக்கும் பிறந்த முதல் மகன் (ஆதி. 4:1). புதிய ஏற்பாட்டில் அவனைப்பற்றி மூன்று இடங்களில் குறிப்பிடப்பட்டிருக்கிறது. "விசுவாசத்தினாலே ஆபேல் காயீனுடைய பலியிலும் மேன்மையான பலியை தேவனுக்குச் செலுத்தினான்; அதினாலே அவன் நீதிமானென்று சாட்சிபெற்றான்; அவனுடைய காணிக்கைகளைக்குறித்து தேவனே சாட்சிகொடுத்தார்; அவன் மரித்தும் இன்னும் பேசுகிறான்" (எபி. 11:4); "பொல்லாங்கனால் உண்டாயிருந்து தன் சகோதரனைக் கொலைசெய்த காயீனைப்போலிருக்கவேண்டாம்; " (1 யோவான் 3:12); (யூதா 11). காயீனுடைய வழி என்ன? அது பொய்யான வழி. ஆனால், அது உலகப்பிரகாரமான மனிதனுக்குச் சரியாகத் தோன்றும். மனிதனுக்குச் செம்மையாகத் தோன்றும் வழிகள் உண்டு. ஆனால், அதன் முடிவு மரணம் என்று வேதத்தில் வாசிக்கிறோம் (நீதி. 14:12; 16:25). அவனுடைய வழி உலகப்பிரகாரமான, மதரீதியான வழி. அது பொய்யான மதத்தின், மதக் குழுக்களின் வழி. இயேசு கிறிஸ்துவைப் பற்றும் விசுவாசத்தால் இரட்சிக்கப்பட முடியாது என்பது விசுவாச துரோகம். இரண்டு வழிகள் மட்டுமே உள்ளன. ஒன்று இயேசு கிறிஸ்து. இன்னொன்று மற்ற எல்லா வழிகளும்.
தேவனை அணுக, ஆராதிக்க, ஆபேல் தேவனுடைய வழியைத் தெரிந்தெடுத்தான். ஆட்டுக்குட்டியின்மூலம் அவன் தேவனை அணுகினான். இந்த ஆட்டுக்குட்டி ஆண்டவராகிய இயேசுவுக்கு அடையாளம். அங்கு ஆட்டுக்குட்டி கொல்லப்பட்டது; இரத்தம் சிந்தப்பட்டது.
ஆனால், காயீன் ஆண்டவராகிய இயேசுவை வழியாக எடுத்துக்கொள்ளவில்லை. அவன் ஆட்டுக்குட்டியின்மூலம் தேவனை அணுகவில்லை. மாறாக, அவன் தன் சுய-நீதியினால் தேவனை அணுகினான். தன் நிலத்தில் தான் விளைவித்த நல்ல காய்கனிகளைக் கொண்டுவருவதால் தேவனைப் பிரியப்படுத்த முடியும் என்று அவன் நினைத்தான். இது அவனுடைய சுய-நீதி. இப்படிப்பட்ட மனிதர்களின் வழி உலகப்பிரகாரமான மனதுக்குச் சரியாகத் தோன்றுகிறது. இதுதான் உலகப்பிரகாரமான மதம். நற்கிரியைகளினால், தான தருமங்களால், பூஜை புனஸ்காரங்களால், சடங்குகளால், பாரம்பரியங்களால், சட்டத்தால், புண்ணியங்களினால், தேவனை நெருங்க முற்படுகிறான். இது ஆணவப்போக்கு. இது இரட்சிக்கப்படாத, மதவாதியின் போக்கு. இவன் தன் நிபந்தனைகளின்படி தேவனை அணுகுகிறான். உபவாசம், ஜெபம்போன்ற காரியங்களால் தேவனை அணுகுவது.
இது இயற்கையான விசுவாச துரோகம். இன்று இந்த உலகத்தில் தேவனைத் தேடுகிற பெரும்பாலான மக்கள் கிறிஸ்துவின்மூலம் பிதாவை அணுகுவதற்குப்பதிலாக தங்கள் சுய கிரியைகளினால் தேவனை நெருங்க முயற்சிசெய்கிறார்கள். இது இயற்கையான விசுவாச துரோகம். இவர்கள் தேவனுடைய வார்த்தையை விசுவாசிக்கவில்லை. தம்மிடம் வருபவர்கள் எப்படி வரவேண்டும் என்று தேவன் சொல்லுகிறாரோ அந்த முறையில்தான் நாம் தேவனை அணுக வேண்டும். "நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்." (யோவான் 14:6)என்று ஆண்டவராகிய இயேசு கூறுகிறார். தேவன் விரும்புகிற முறையில் கர்த்தரை ஆராதிப்பதற்குப்பதிலாக மனிதன் தன் சொந்த வழிகளை உருவாக்கிக்கொள்ளுகிறான்.
காயீனுடைய பலியை தேவன் ஏற்றுக்கொள்ளவில்லை; அங்கீகரிக்கவில்லை; ஜீவனுள்ள மெய்யான தேவனைத்தான் அவன் ஆராதித்தான். தேவன் ஏற்றுக்கொண்டிருக்கலாமே? அங்கீகரித்திருக்கலாமே? இல்லை. ஆராதனை என்ற பெயரால் நடக்கும் அலங்கோலங்களை தேவன் ஏற்றுக்கொள்ள மாட்டார்; அங்கீகரிக்கமாட்டார்.
இப்படிப்பட்டவர்கள் மதவாதிகள்தான்; ஏதொவொரு வகையில் தேவனை நம்புகிறார்கள். ஆனால், இவர்கள் தங்களுக்கு நலமாய்த் தோன்றுகிறபடி நம்புகிறார்கள். இயேசு கிறிஸ்துவையும், அவருடைய இரத்தத்தையும், மீட்பையும் நம்புவதில்லை. அவரை மட்டுமே வழியாக விசுவாசிக்கவில்லை.
ஆண்டவராகிய இயேசு மட்டுமே வழி (யோவான் 14:6) என்று வேதாகமம் சொல்லும்போது, அவரை வழியாக எடுத்துக்கொள்ளவில்லையென்றால் அது விசுவாச துரோகம்.
இவன் கொஞ்சம் நூதனமான மனிதன். எண்ணாகமம் 22:1-5இல் "பின்பு இஸ்ரவேல் புத்திரர் பிரயாணம்பண்ணி, எரிகோவின் கிட்ட இருக்கும் யோர்தானுக்கு இக்கரையிலே மோவாபின் சமனான வெளிகளில் பாளயமிறங்கினார்கள். இஸ்ரவேலர் எமோரியருக்குச் செய்த யாவையும் சிப்போரின் குமாரனாகிய பாலாக் கண்டான். ஜனங்கள் ஏராளமாயிருந்தபடியினால், மோவாப் மிகவும் பயந்து, இஸ்ரவேல் புத்திரரினிமித்தம் கலக்கமடைந்து, மீதியானியரின் மூப்பரை நோக்கி: மாடு வெளியின் புல்லை மேய்கிறதுபோல, இப்பொழுது இந்தக் கூட்டம் நம்மைச் சுற்றியிருக்கிற யாவையும் மேய்ந்துபோடும் என்றான். அக்காலத்திலே சிப்போரின் குமாரனாகிய பாலாக் மோவாபியருக்கு ராஜாவாயிருந்தான். அவன் பேயோரின் குமாரனாகிய பிலேயாமை அழைத்துவரும்படி, தன் சந்ததியாருடைய தேசத்தில் நதியருகேயுள்ள பெத்தூருக்கு ஸ்தானாபதிகளை அனுப்பி: எகிப்திலிருந்து ஒரு ஜனக்கூட்டம் வந்திருக்கிறது; அவர்கள் பூமியின் விசாலத்தை மூடி, எனக்கு எதிரே இறங்கியிருக்கிறார்கள்," என்று .இவனைப்பற்றிப் பார்க்கிறோம்.
சில அதிகாரங்களுக்குப்பின் அவனுடைய மரணத்தைப் பார்க்கிறோம். அவனுடைய மரணத்தைப்பற்றிய விவரம் "அவர்களைக் கொன்றுபோட்டதுமன்றி, மீதியானியரின் ஐந்து ராஜாக்களாகிய ஏவி, ரேக்கேம், சூர், ஊர், ரேபா என்பவர்களையும் கொன்றுபோட்டார்கள். பேயோரின் குமாரனாகிய பிலேயாமையும் பட்டயத்தினாலே கொன்றுபோட்டார்கள்.,"* என்று எண்ணாகமம் 31:8இல் கூறப்பட்டிருக்கிறது. காயீனைப்போல, பிலேயாமைப்பற்றியும் புதிய ஏற்பாட்டில் 3 முறை குறிப்பிடப்பட்டிருக்கிறது. (
"செம்மையான வழியைவிட்டுத் தப்பிநடந்து, பேயோரின் குமாரனாகிய பிலேயாமின் வழியைப் பின்பற்றிப்போனவர்கள்; அவன் அநீதத்தின் கூலியைவிரும்பி, தன்னுடைய அக்கிரமத்தினிமித்தம் கடிந்துகொள்ளப்பட்டான்; பேசாத மிருகம் மனுஷர்பேச்சைப் பேசித் தீர்க்கதரிசியினுடைய மதிகேட்டைத் தடுத்தது" (2 பேதுரு 2:15, 16); "ஆகிலும், சில காரியங்களைக்குறித்து உன்பேரில் எனக்குக் குறை உண்டு; விக்கிரகங்களுக்குப் படைத்தவைகளைப் புசிப்பதற்கும் வேசித்தனம்பண்ணுவதற்கும் ஏதுவான இடறலை இஸ்ரவேல் புத்திரர் முன்பாகப் போடும்படி பாலாக் என்பவனுக்குப் போதனை செய்த பிலேயாமுடைய போதகத்தைக் கைக்கொள்ளுகிறவர்கள் உன்னிடத்திலுண்டு.," (வெளி. 2:14); யூதா 11).
எண்ணாகமம் 31:16 “பிலேயாமின் ஆலோசனை” என்று சொல்லுகிறது. இதை திருவெளிப்பாடு 2:14னுடன் ஒப்பிடவும். பேதுரு தன் நிருபத்தில் “பிலேயாமின் வழி” என்று சொல்லுகிறார். திருவெளிப்பாடு “பிலேயாமின் போதகம்” என்றும், யூதா நிருபம் “பிலேயாமின் வஞ்சகம்” என்று கூறுகிறது.
திருவெளிப்பாடு 2:14 சபையின் அவலத்தைக் கூறுகிறது. பிலேயாம் ஒரு கலப்படமான ஆள். அவன் சிலசமயம் குறிசொல்லுவான், நிமித்தம்பார்ப்பான் (எண்ணாகமம் 24:1). அவன் மந்திரம் ஓதுவான். அவன் மதிகெட்டவன் என்று பேதுரு தன் நிருபத்தில் சொல்லுகிறார்.
ஆனால், அவன் பரலோகத்தின் தேவனையும் அங்கீகரித்தான். எனவே, தேவன் அவனிடம் பேசினார் (எண்ணாகமம் 22:8, 9). இவன் ஒரு கலப்படமான ஆளா இல்லையா? அவன் குறிசொல்லுகிறான். பாலாக் ராஜா கூலி கொடுத்து அவனை விலைக்கு வாங்குகிறான். அப்படியானால் காணிக்கை கிடைக்கும் என்பதற்காக என்ன வேண்டுமானாலும் செய்வான். அவனுடைய குறி என்ன? பாலாக் ராஜா தரப்போகிற வெகுமானம்தான் அவனுடைய குறி. பிலேயாம் "அவரைக் காண்பேன், இப்பொழுது அல்ல; அவரைத் தரிசிப்பேன், சமீபமாய் அல்ல; ஒரு நட்சத்திரம் யாக்கோபிலிருந்து உதிக்கும், ஒரு செங்கோல் இஸ்ரவேலிலிருந்து எழும்பும்; அது மோவாபின் எல்லைகளை நொறுக்கி, சேத்புத்திரர் எல்லாரையும் நிர்மூலமாக்கும்," என்ற .அற்புதமான வார்த்தைகளையும் பேசினான் (எண். 24:17).
நன்மையும் தீமையும் ஒரே மனிதனிடத்தில். ஒரு வகையில் பிசாசு. இன்னொரு வகையில் பரிசுத்தவான்.
கலப்படம்.
இது சுய-இலாபம்.
இவன் கிறிஸ்துவை சத்தியமாக எடுத்துக்கொள்ளவில்லை. காயீன் கிறிஸ்துவை வழியாக எடுத்துக்கொள்ளவில்லை. காயீன் தேவனுடைய வார்த்தையை விசுவாசிக்வில்லை. பிலேயாம் தேவனுடைய வார்த்தையை அற்பமாக எண்ணினான்.
காயீனின் வழி பொய்யான மதம்.
பிலேயாமின் வழி பொய்யான ஊழியம்.
கோராவின் வழி பொய்யான ஆராதனை.
கோரா ஒரு லேவியன். இவனும் இவனோடு இன்னும் பலரும் மோசேக்கு விரோதமாக எழுந்தார்கள் ((எண்ணாகமம் 16). நான் ஏன் தேவனை ஆராதிக்கக்கூடாது என்ற எண்ணம் இவர்களுக்கு எழுந்தது. ஆராதிக்கலாம். ஆனால், தகுதி வேண்டும். ஆவிக்குரிய தகுதி வேண்டும். தேவனோடு நடக்கிற மக்களாக இருக்க வேண்டும்.
இது சுய-விருப்பம்.
காயீன் தேவனுடைய வார்த்தையை விசுவாசிக்கவில்லை. பிலேயாம் தேவனுடைய வார்த்தையை அசட்டைபண்ணினான். கோரா தேவனுடைய வார்த்தைக்கு எதிர்த்துநின்றான்.
காயீனின் தண்டனை (ஆதி. 4:14, 16) துரத்தப்பட்டான் - வழியை எதிர்த்தான். பிலேயாமின் தண்டனை (2 பேதுரு 2:16) கடிந்துகொள்ளப்பட்டான் - சத்தியத்தை எதிர்த்தான் கோராவின் தண்டனை (எண. 16:22) தண்டிக்கப்பட்டான் - ஜீவனை எதிர்த்தான்.
ஏசாயா 1:4 "கர்த்தரை விட்டு…கோபமுண்டாக்கி…பின்வங்கிப்போனார்கள்"
கைவிடுதல் (சிந்தனையில் நிகழும் விசுவாசதுரோகம்) கோபமுண்டாக்குதல் (சொல்லினால் உண்டாகும் விசுவாச துரோகம்) பின்வாங்கிப்போகுதல் (செயலினால் ஏற்படும் விசுவாசதுரோகம்)